Sunday, August 23, 2009
Ganda ng tagsibol, hangin ay sariwa
Tayo'y magkasama, tayo ay masaya.
Lahat ay nawasak, sa 'sang kisapmata
Ako ay nagising, mata'y lumuluha.
"'Di na pala tayo," ito'y naisambit
Nang ako'y iniwan, taglagas sumapit.
Kamay kong hawak mo, biglang binitawan
Misteryo sa lihim, walang kasagutan.
Puso'y nagdurugo, sa 'yo'y sumasamo
Ako'y naging tapat, bakit ka naglilo?
Sa 'king kaibigan, tingin mo'y napako
Nang ika'y mawala, mundo ko'y naglaho.
Ako ay namulat, hindi kalaunan
Pag-ibig mo'y wagas, ito'y natuklasan.
Sa iyong paglisan, buhay nadugtungan
Ako...ako pala..ang naging dahilan.
Tayo'y magkasama, tayo ay masaya.
Lahat ay nawasak, sa 'sang kisapmata
Ako ay nagising, mata'y lumuluha.
"'Di na pala tayo," ito'y naisambit
Nang ako'y iniwan, taglagas sumapit.
Kamay kong hawak mo, biglang binitawan
Misteryo sa lihim, walang kasagutan.
Puso'y nagdurugo, sa 'yo'y sumasamo
Ako'y naging tapat, bakit ka naglilo?
Sa 'king kaibigan, tingin mo'y napako
Nang ika'y mawala, mundo ko'y naglaho.
Ako ay namulat, hindi kalaunan
Pag-ibig mo'y wagas, ito'y natuklasan.
Sa iyong paglisan, buhay nadugtungan
Ako...ako pala..ang naging dahilan.
...sands of time, 3:51 AM.
